«7-20-25» бағдарламасы: Алғашқы жарна кімдерге төмендетілетіні белгілі болды

202

«Баспана» ипотекалық ұйымы» АҚ Басқарма төрағасы Қайрат Алтынбеков «7-20-25» бағдарламасы бойынша білікті мұғалімдер, дәрігерлер, полиция қызметкерлері үшін алғашқы жарнаның мөлшері төмендетілетінін айтты, деп хабарлайды Аptanews.kz  baq.kz сайтына сілтеме жасап.

Сурет ашық дереккөзден алынды

– Елбасы Жолдауында көрсетілген тапсырмаларды орындау мақсатында, білікті мұғалімдер, дәрігерлер, полиция қызметкерлері үшін «7-20-25» бағдарламасының алғашқы жарнасын төмендету бойынша жұмыстар басталды, – деді ол Сенаттың Қаржы және бюджет комитетінде өткен жиында.

Қайрат Алтынбековтың айтуынша, қазіргі таңда аталған мәселеге қатысты Шымкент қаласы мен Ақтөбе, Алматы, Павлодар және Солтүстік Қазақстан облыстарының әкімдіктерімен меморандумға қол қойылған.

Айта кетейік, осыған дейін «7-20-25» бағдарламасына ТҮҚЖБ қатысуы мүмкін екенін, аталған бағдарламаға 2 жылда 15 мың пәтер салынатынын хабарлағанбыз.